L' AVENTURA DE LA MINA (16-17)

ESTI YE'L RESULTÁU DEL TRABAYU FECHU POL ALUMNÁU DE PRIMERU D'ESO A PARTIR DE LES PROPUESTES DEL LLIBRU DE TESTU DE LA PÁXINA 50 Y 51. 

l'AVENTURA DE LA MINA

Un branu, los mios tres amigos y yo fuimos d'acampada. Yéramos dos neñes y dos neños. Yo yera roxa, de güeyos azules y nun yera nin alta nin baxa. Yera normal, nin gorda nin flaca, simpática y prestábame conocer xente.

Mel yera morena, de güeyos marrones. Yera baxa y flaca. Conocíase por ser perbona amiga, pero yera percobarde.

Kevin yera el mayor de toos. Altu, prietu, de güeyos marrones y flacu. Tol mundu lu conocía y yera persimpáticu y prestába-y enforma conocer xente.

Roberto yera'l más pequeñu. Yera altu, roxu, de güeyos azules y flacu. Tamién yer percobarde, igual que Mel, pero peramigable.

Llegamos a la viesca onde díbemos facer l'acampada, pero pel camín, acontrémonos con una bocamina xigante. Taba perescuro, afitada con tables pa que un cayeren les piedres y corría un airucu dende adientro. Oyíense ruios mieosos de dientro. Queríemos entrar pa ver qué yeren, pero primero decidimos dir a montar les tiendes.

Llevónos un ratu grande hasta que consiguimos montales toes, dempués fuimos pa la bocamina.

Entremos a la mina, dalgunos con interés y otros con mieu. Prendimos les llinternes, vimos que taba too enlleno de teles d'araña y podíen vese esperteyos durmiendo. Había dos caminos, y decidimos dir pela manzorga. Fuimos hasta'l final del camín, y ellí alcontrémos una especie de gallería, enllena d'agua pel suelu. Cada vez había más agua y tuvimos que salir corriendo.

Cuando salimos, dímonos cuenta de que Mel nun taba. Desesperaos volvimos a entrar na cueva que cada vez taba más y más enllena. Oyímos unos ¿lladríos de perru?, y la voz de Mel. Siguimos los lladríos y alcontrémosla, tirada nel suelu col todiellu rotu. Kevin garróla y llevóla fuera y darráu fuimos pal hospital.

Un par de selmanes dempués, Mel púnxose bien y, el perru, al que tamén topemos y llevemos con nós, cuntáranos que llevaba esapaecíu tres años y qu'enxamás viere a dalguién. Sorprendíos, decidimos quedanos con él porque amás, el so dueñu morriere. 

Sara Gutiérrez

Los mios amigos, la mio perra y yo somos estos: Dani, el típicu guah,e que va de valiente pero al final nun lo ye, ye altu, morenu y tien 16 años. Ánxela, un poco cobarde, baxina, morena y colos güeyos perguapos, verdes clarinos, y ¡claro!, la mio perra Layka, que ye mui espantadiza pero al tiempu valiente.

La historia entama nuna mina, la Colladiella. Tábemos xugando nel parque y a Dani apetecióse-y entrar na mina, pero nun tábemos seguros d'ello porque taba perescuro y Ánxela y yo teníemos mieu. 

Dani, emocionáu por entrar ehí dientro, convenciónos y entremos; caún punximos la lllinterna al móvil y avancemos pa dientro.

Lleguemos al final de la mina y había como una especie capillina con una virxen. Layka entamó a lladrar-y a una puerta que taba como camuflada na paré.

Dani, mui valiente él, abrióla y díxonos:

-¡Venga, cagaes, entrái dientro, que nun hai na!

Layka tenía bastante mieu y notábase-y que nun quería entrar, ensin embargu, Ánxela ensin pensalo dos vegaes, siguiólu y yo, por nun quedar sola, siguilos tamién. Layka nun se separtaba de min y mirábanos con cares rares, como diciendo : ¡Qué fadrán estos tres llocos!

Pasaron como unes tres hores y entrónos la fame; paremos a merendar nunes piedres de carbón. Dani sentóse nun vagón a comer el pinchu y notó que'l vagón se movía, entós pensó que yera bona idea dir nél sentaos. Ánxela y yo mirémonos con cara plasmu pensando que Dani taba tomándose mui en serio lo de la mina.

Yá nel vagón, Dani sintió ruios de xente picando, Él, que yá ye abondo aventureru, entamó a contanos una historia de una pantasma:

"Yera una vegada un mineru que se llamaba Xuan. Taba picando'l carbón mui a gustu cuando la mina se derrumbó y, como nun pudo salir, morrió dientro. Dizse que la pantasma de Xuan anda vagando per esta mina"

Ánxela y yo, cagaes de mieu, tuvimos que dici-y que callare la boca que taba asustándomos.

Siguimos sintiendo'l ruiu de picar el carbón y los vagones furrular, pero nun había naide na mina, namás nosotros cuatro.

Decidimos siguir caminando ya inorar los ruios, pero según mos punximos a pasar per una viga de la mina, apaeciósenos una pantasma. Yera un mineru mancháu de sangre y enllenu feríes. Quedemos los cuatro clisaos y ensin saber qué dicir. La pantasma entamó a falar:

-Tranquilos nenos, soi Pedro, non Xuan. Oyí la historia que cuntó'l vuestru amigu Dani, y amás, sélo too de vosotros. Voi ayudavos a salir d'equí, porque nun vos distis cuenta pero yá lleváis seis hores na mina y taréis perdíos.

Nós, con cara plasmu, nun-y quitábemos güeyu a la pantasma,

-¿Tais bien? - preguntónos, pero dengún s'atreviere a falar, nin Layka a lladrar.

-Nenos, nun tenéis por qué tar asina -siguió falando Pedro - Tenéis que tener más mieu a los vivos qu'a les pantasmes; nós nun vos vamos facer nada. 

Acercóse a Dani ya intentó tocalu, pero nun podía. Dani, casi llorando, escondióse detrás de min.

-¿Veis? Nun vos pueo facer nada, 

Layka quedó de piedra mirando esa figura que volaba nel aire. 

Garremos enfotu na pantasma y decidimos face-y casu. Dempués de tar una hora siguiendo a Pedro, lleguemos a una sala onde alcontramos un montón de perres.

-¡Corréi, garrái'l dineru y marchái!, ¡llévovos yo pa la salida!

Pero yo, entrugué-y a Pedro que por qué teníemos que garrar les perres y él, riéndose, dixo:

-¡Mira esta! Porque eses perres son d'unos lladrones que vinieron hai unos años y nun s'alcordaron más d'elles.; agora lleváilo y gastáilo no que queráis, pero nun digáis a naide que tuvistis equí,- dixo Pedro, alteráu.

Yá tábemos na salida y la pantasma paecía que taba esvaneciéndose. Decidimos non cuntalo a naide y guardar el dineru pa nós. 

Athenea Fernández