SELMANA DE LES LLETRES ASTURIANES. ALCUENTROS NA BIBLIOTECA. TRABAYANDO COL CÓMIC (22-23)

 Del 28 d'abril al 6 de mayu, celébrase la Selmana de Les Lletres Asturianes.

Pa siguir colos actos dirixíos a los escolinos de Llingua asturiana, parte del alumnáu de 2 ESO acudió esta mañana a la Casa Cultura a un alcuentru col ganador del Premiu Alfonso Iglesias de cómic fechu n’asturianu: Guillermo Menéndez Quirós, que mos presentó la so obra “Ana María, la Llobera d’Asturies”.
L'autor faló-yos de la protagonista del cómic, quién foi, qué fizo y por qué ye conocía n'Asturies mientres mostraba'l so trabayu y contestaba preguntes como cuántu tiempu tardó en facelu o por qué escoyó esa historia.
De siguío, los escolinos y escolines mostraron-y los cómics que ficieron en clas pa que l'autor los lleera y firmare de recuerdu, dalgo que Guillermo fizo encantáu, tal y como él mesmu manifestó.
La TPA tuvo ocasión d'entrevistar a Antón, Marina y Bertu sobre l'actividá de la que diben esfrutar darréu.

https://www.rtpa.es/noticias-sociedad:Encuentro-con-Guillermo-Menendez,-ganador-del-Premiu-Alfonso-Iglesias-de-Comic_111683032248.html

Equí dalgunes semeyes del alcuentru:

y equí de los cómics que ficieron:

TEN PRIMES PA ESTO (Sandra y Iraide)

NATALIA

YÁ TE GUSTARÍA (Alex)

EN BUCLE (Ari, Marina, Efrén y Colás)

L'ASESINATU DEL PERRU (Alex y Bertu)

L'HOME DEL SACU LES PATATES (Antón, María, Leire y Iker)

EL MONSTRUU DEL ARMARIU (Naiara, Ana y Iraya)