2/6/19

DESCENSU'L SEYA 2019



El miércoles 29 de mayu baxemos el Seya, un añu más, nun día nel que les neñes y los neños de Llingua Asturiana esfrutaron d’unes hores espléndides en contautu col agua y coles collacies y collacios.





21/5/19

NARRATIVES ILUSTRAES




L'alumnáu de 4º ESO del IES El Batán partició nel proyectu "Narrativas ilustradas" que se desendolca dientro'l Programa Iberoamericano Escribir como lectores.
A lo llargo d'esti proyectu, esti alumnáu creó tres trabayos diferentes: dos d' ellos de temática histórica (cola profesora d' Historia Belén Iglesias) y ún en Llingua asturiana (cola profesora de Llingua Mercedes Calzada) reinterpretando una lleenda tradicional.
Durante'l procesu, l'alumnáu non solo trabayó la escritura creativa sinon que tamién diseñó ilustraciones y dicidió cómo maquetar el so álbum ilustráu.
Nesta páxina pue vese tol trabayu fechu:

4/5/19

RECOYIDA DEL PREMIU (Selmana de les Lletres Asturianes)


Como comentaba na entrada anterior, l'alumnáu de Primeru d'ESO de Llingua Asturiana ganó'l primer premiu de Cartelismu que, con motivu de la Selmana de les Lletres Asturianes, organiza L'Academia de la Llingua Asturiana dende va 40 años.

Ayeri foi la recoyida del premiu nel colexu Llorienzu Novo Mier d'Uviéu y, en representación de tola clas (que por problemes d'aforu nun pudo asistir al completu) fueron Diego Coto y Yeray Serrano.








29/4/19

SELMANA DE LES LLETRES 2019


Los escolinos y escolina de 1u ESO del IES El Batán ganaron el primer premiu de Cartelismu convocáu pola Academia de la Llingua Asturiana pa la 40 Selmana de les Lletres Asturianes 2019. 

El vienres día 3 recoyeremos el premiu nel CP Lorenzo Novo Mier d'Uviéu a les 12 la mañana. 

Equí podéis ver unes semeyes del trabayu realizáu (una maqueta d'un llagar: El llagar d'El Batán, onde se come a fartar) por: 

DOMINGO BARRUL LEÓN
RUTH LEÓN JIMÉNEZ
ADRIÁN ÁLVAREZ LÓPEZ
DIEGO COTO FERNÁNDEZ
ÓSCAR FERNÁNDEZ TÁRRAGA
ÓSCAR RAÚL QUÍLEZ
YERAY SERRANO GÓMEZ
MARTÍN ALONSO COSTOYA
MIGUEL DÍAZ CASTAÑÓN
HUGO PRIETO REVUELTA
MIGUEL GAY CANIS














26/3/19

FILANDÓN ( de Peregrinando Producciones)

Con motivu de la campaña pedagóxica rellacionada col teatru que se desendolca cada añu dende la Conceyalía de la Mocedá de la Casa Conceyu de Mieres, el 21 de marzu, a les 11.00, nel Auditoriu de la Casa la Cultura, asistimos a la representación de la obra Filandón, de Peregrinando Producciones. 

"Esta ye la historia d'un filandón. Nueche na que los mozos y les moces, paisanos y paisanes aconcéyense, dempués d'un día aballador, pa coser, cantar, cuntar histories y poner como un trapu al vecín. Pero esa nueche, Chelo y Coloma quedaron soles. un acontecimientu nel pueblu vecín baleró l'aldea. Por si fuere poco, Chelo vive col mieu de que vuelva apaecer Celesto..."

Ye esta una obra orixinal y escrita n'asturianu basada en numberoses histories y lleendes que percuerren los valles mineros. 











TRABAYANDO COL CÓMIC (2)

L'alumnáu de 2u ESO ellaboró, individualmente o en grupos de dos, un cómic "invisible" como actividá de clas pa esta segunda evaluación. Les premises yeren estes:

-Mínimu de 4 viñetes.

-Nun podíen dibuxar personaxes, namás metáfores visuales y onomatopeyes.

Estos son los resultaos:

 -Cómic d'Enol y Ania:


- Cómic de Marta:



-Cómic d'Iyán:



-Cómic de Sergio:


-Cómic de Llarina ya Izan Vázquez:



-Cómic de Paula ya Izan Naves:


-Cómic de Pelayo:


 

¿OYISTI FALAR DEL FILANDÓN?



 




Acabo finar el grupu trabayu del CPR nomáu "Proyectu Aquelarre" nel que deprendimos un pocoñín sobre lo que ye la Gamificación.

Nesti proyectu que titulemos ¿Oyisti falar del filandón? trabayé al llau de dos collacies esceicionales: Belén Iglesias Martínez y Alba Martín González, profesora de Xeografía ya Historia la primera y de Llingua Asturiana la segunda.

Esti trabayu ye un proyeutu gamificador que trata de concienciar sobre la importancia de caltener la nuesa cultura y nun escaecer les nueses costumes.

Equí vos dexo la direición del trabayu pa que lu veais y me digáis qué vos paez.