DÍA DEL LLIBRU 2014

Con motivu del día del Llibru, el 23 d'abril, traximos al institutu a Milio Rodríguez Cueto pa que charlare colos neños sobre la última novelina de so: Carne de melandru, publicada en 2013 y ganadora del V Premiu María Josefa Canellada de Lliteratura Xuvenil,  una novelina ambienta na posguerra española na que'l protagonista, "un rapacín fíu d’un presu republicanu, descubre, en dos díes, el valor de la vida, la sinrazón de la muerte, la cobardía y la traición", como bien diz la reseña de la mesma na páxina de la editorial vtp.

El primer pasu foi lleer la novela en clas col alumnáu de primeru, segundu y terceru d'ESO. Una llectura que-yos prestó pola vida, según ellos mesmos dixeron. El segundu pasu foi facer el cuadernu d'actividaes que'l mesmu autor ellaboró sobre la novela y col que tuvieron perentreteníos resolviendo xeroglíficos, crucigrames, faciendo descripciones, xuegos de vocabulariu y otres cosuques...
El tercer pasu yá foi la charla con Milio, na que non solo esfrutaron coles sos desplicaciones sinón tamién deprendiendo coses nueves sobre la historia y circunstancies nes qu'Asturies s'alcontraba na época de la posguerra española, dalgo dafechamente desconocío pa ellos...

Nun hebo tiempu abondo pa que-y pudieren entrugar tolo que queríen...

Pero foi una actividá perprestosa  pa los guah.es, pa la profesora y pal mesmu Milio, que quedare persatisfechu col resultáu...