Nel IES El Batán tamién celebramos l'Amagüestu.
El soleyeru miércoles 21 de payares de 2012, tol alumnáu y el profesoráu del IES El Batán preparemos un amagüestu cola fin de disfrutar d'una perprestosa xornada de convivencia. Durante hora y media comimos castañes asaes y bebimos sidra dulce.
Amás, pásémoslo perbién participando en dellos xuegos tradicionales como:
- El cascayu
- La comba
- El pañuelu
- Carreres de cuyares
- Carreres de sacos
- Carreres de llecheres
- La sogatira
- Tiru al palu
Ta too nesti videu que pues ver darréu:
Foi una actividá perprestosa. Too salió perbién, gracies a la implicación de los guah.es y tamién al trabayu desinteresáu d’un garrapiellu de profes qu’enantes de pidir-yos sofitu, yá taben preguntando qué podíen facer p’ayudar. Dende equí, quiero dar les gracies a toos, pero con más ciñu tovía a los que tuvieron “de xueces” nos xuegos: Mónica (EPV), Chechu (EF), Pablo y Agustín (Mates), Rosa (Francés), Conchi (Música), Bea (Fca-Qca), Merche (Xeografía) y, por supuesto, a Lena (Lengua) que tuvo cola cámara grabando d’equí p’allá ensin parar.
ResponderEliminarGracies a to@s.