Por cuenta de la celebración de la 45 Selmana de les Lletres Asturianes nel mes de mayu del 2024, la Conseyería d’Educación en xunto cola Viceconseyería de Cultura, Política Llingüística y Deportes convocaron los concursos en diferentes tipos de creaciones (lliteraries, cartelismu, podcast, audiovisuales, teatru) dirixíos al alumnáu de Llingua asturiana y eonaviego. L’alumnáu de primeru d’ESO del nuestru IES participó nellos resultando GANADOR del PRIMER premiu de CREACIÓN AUDIOVISUAL.
El día 7 de mayu, Celia Rodríguez Hevia, Noa Fernández Vidal ya Isabel Pello Veiga, ganadores del certame, van dir recoyer el premiu al teatru El Llar de Corvera onde-yos espera l’actu de reconocimientu de los premiaos y premiaes, que va cuntar con una actuación musical especial. ¡Norabona!
Esti ye'l videu ganador:
El restu del alumnáu tamién participó nos certámenes lliterarios, cartelismu y podcast y equí podéis ver los trabayos:
Cartel: Llugares d'Asturies (Alicia, Alejandra y Sheila)
Creación lliteraria: cuentu tituláu "Yo soi Conceyu Bable" (Sergio, Izan y Colás)
Too entama en 1969, cuando mio ma y mio pá me tuvieron. De
primeres, llamáronme “Amigos del bable”, pero como nun me gustaba muncho’l
nome, cabiélu a “Conceyu bable”. El nome vien de mio güelu y l’apellíu de mio
pá. Con esti nome ye como me conoz la mayor parte la xente.
Dende que nací, mios pas faláronme n’asturianu y, como me
prestaba tanto, dende bien tempranín empecé una llucha testerona pa que nes
escueles tol mundu pudiere aprendelu.
Al entamu lo que más me gustaba yeren los discos y la
música, pero llueu tamién los llibros, por eso gracies a mi, escribiéronse
munchos.
En 1976, cuando tenía 7 años, fici la mio primer
manifestación en Xixón pa la qu’Asturies ayudóme muncho. Tamién ayudé a que los
símbolos d’Asturies, como la bandera o l’himnu llegaren a más xente.
Llueu, cuando taba nel mio meyor momentu, matáronme a los 11
años. ¿Sabéis quién? Pues foi l’Academia de la Llingua, pero a mi nun m’importó
porque sabía qu’ella diba facer pol asturianu muncho más de lo que pudi facer
yo.
podcast: Fernando Alonso (Oliver, Valeria y Elisabeth)
No hay comentarios:
Publicar un comentario