Yera una vez que se yera una neña que vivía en Mieres, pero prestába-y muncho dir al pueblu de so ma a pasar el día.
El pueblu yera Cuarteles de Mariana, que taba percerquina de Mieres. Ellí tenía una casina, cerca un prau y una güerta, con pites, coneyos, perros... A la neña, que se llamaba Ximena, prestába-y xubir con tola familia a xintar y pasar el día.
Una vegada, Ximena y el so primu Bruno, marcharon pa la mata a pañar castañes. Cuando taben na metá de la mata escucharon unos ruíos perraros ente los felechos y punxéronse un pocu nerviosos. De sópitu, apaeció ente los felechos una cosa perestraña: ¡yera un Busgosu!
Él díxo-yos que nun s'asustaren, que nun-yos diba facer nada, que namás quería falar un ratu con ellos porque naide diba perellí y aburríase muncho... Tuvo nun sé cuánto cuntándo-yos batallines, chistes, cosadielles... Ximena y Bruno pasáronlo perbién.
Dempués d'un cachu, los neños diéronse cuenta de que se taba faciendo de nueche. Despidiéronse del Busgosu y dixéron-y que la fin de selmana siguiente diben volver a la mata y facé-y una visita.
Onde yá-yos prestaba dir al pueblu, agora Ximena y Bruno taben tola selmana esperando'l el sábadu pa dir a Cuarteles y ver al Busgosu pa que-yos cuntare coses.
El pueblu yera Cuarteles de Mariana, que taba percerquina de Mieres. Ellí tenía una casina, cerca un prau y una güerta, con pites, coneyos, perros... A la neña, que se llamaba Ximena, prestába-y xubir con tola familia a xintar y pasar el día.
Una vegada, Ximena y el so primu Bruno, marcharon pa la mata a pañar castañes. Cuando taben na metá de la mata escucharon unos ruíos perraros ente los felechos y punxéronse un pocu nerviosos. De sópitu, apaeció ente los felechos una cosa perestraña: ¡yera un Busgosu!
Él díxo-yos que nun s'asustaren, que nun-yos diba facer nada, que namás quería falar un ratu con ellos porque naide diba perellí y aburríase muncho... Tuvo nun sé cuánto cuntándo-yos batallines, chistes, cosadielles... Ximena y Bruno pasáronlo perbién.
Dempués d'un cachu, los neños diéronse cuenta de que se taba faciendo de nueche. Despidiéronse del Busgosu y dixéron-y que la fin de selmana siguiente diben volver a la mata y facé-y una visita.
Onde yá-yos prestaba dir al pueblu, agora Ximena y Bruno taben tola selmana esperando'l el sábadu pa dir a Cuarteles y ver al Busgosu pa que-yos cuntare coses.
Nahir Álvarez Pérez, 1 ESO A
No hay comentarios:
Publicar un comentario