El pasáu 13 d'abril de 2013, l'alumnáu de terceru y cuartu d'ESO y Bachilleratu, tuvo'l gustu d'esfrutar colos versos de Sofía Castañón na actividá organizada pol grupu de Trabayu de la Biblioteca en collaboración col Departamentu de Lengua y Llingua Asturiana.
Sofía recitó poemes de les sos obres: Animales interiores; La noche así o Tiempu de render; recordó la so estancia na Residencia d'Estudiantes y contestó a les entrugues de los neños y neñes qu'ellí taben, ente otres coses.
A la pregunta que-y plantegó l'alumna Carla Martínez, de primeru de Bachilleratu sobre l'usu de dellos idiomes estremaos en Tiempu de render, Sofía fizo una perprestosa defensa de la Llingua Asturiana diciendo que lu escribió cuando tuvo en Madrid y, qu'ellí, fuera d'Asturies, por fin perdiera'l mieu a espresase n'asturianu, porque ella nun tuvo la suerte de recibir una formación académica nesta llingua, que da una seguridá, sinón que la aprendiera colos güelos. Ella, dixo, averóse al asturianu dende'l gustu del cómo suenen les palabres, dende l'enamoramientu que sintiera poles palabres n'asturianu.
Equí podéis ver los videos:
El momentu más especial de tola charla, foi cuando Sofía recordó una conversación pel teléfonu cola güela na que-y dixo que nun diba dir a unes clases d'ordenador a les que s'apuntara porque viose les manes "tan fees sobre'l tecláu" y daba-y vergoña.. D'ehí surdió'l poema "Agora escuende les manes" .
No hay comentarios:
Publicar un comentario