L’otru día, miércoles 17 d’abril, los alumnos y alumnes de Llingua Asturiana fuimos a facer la sienda l’osu en bicicleta, una ruta de 32 kilómetros: 16 pa xubir y otros 16 pa baxar, o seya, dende Tuñón, onde entamemos, hasta‘l pantanu Valdemurio, onde paremos una horina y picu a comer un pinchín que toos trayíemos de casa, pa reponer fuercies y fuelgu y descansar un pocoñín.
Dalgunes neñes tomemos el solín, que prestaba a esgaya, pa ver si agarrábemos dalgo de morenu y enverde eso quedemos toes como andariques cocíes...
De la que baxábemos, que prestó muncho porque cásique nun dimos pedales, paremos nuna área recreativa a tomar un xelaín pa engañar al calorón que facía y descansar otro pocoñín enantes de garrar la última etapa del recorríu.
Cuando lleguemos al final, tábemos percansaos, pero pagó la pena porque pasémoslo perbién y tuvimos la suerte de que’l día acompañónos con un perprestosu solín, pero lo que nun sabíemos yera qu’ al otru día nun dibemos poder nin sentanos de les aguyetes que díbemos tener...
Animamos a tol mundu a que la faiga, andando o en bici (que presta más) porque ye una sienda perguapa, amás pues ver a les famoses Paca, Tola y el so amigu Furaco.
Alba Bayón, 1u Bachilleratu
Alba Bayón, 1u Bachilleratu
No hay comentarios:
Publicar un comentario