Esti añu tamién celebremos l'Amagüestu nel IES El Batán. Foi'l miércoles 27 de payares.
Tuvimos muncha suerte porque nun llovió (anque fizo munchu fríu) y asina los neños y neñes pudieron disfrutar de tolos xuegos que ficimos nel patiu. Corrieron colos sacos, coles cuyares, coles llecheres, xugaron al pañuelu, a los bolos y a la sogatira; tamién saltaron a la comba y compararon fuercies col tiru al palu.
Igual que l'añu pasáu, vino Paco a asanos les castañes:
Equí tenéis dalgunes semeyes qu'amusen lo perbién que lo pasaron y más embaxo'l videu de la xornada que fizo l'alumna Carla Velho.
Lo mesmo que l'añu pasáu, damos les gracies a tola xente qu'animó, participó y disfrutó nos xuegos y comiendo les castañines asaes y bebiendo la sidrina dulce.
La Nueva España recueye la noticia que podéis lleer nesti enllace.
No hay comentarios:
Publicar un comentario